© Bivin Lal Photography

സൂഫിയാന മെഹ്ഫില്‍

സൂര്യ ഫെസ്റ്റിവലിന്റെ ഭാഗമായി നടക്കുന്ന നൃത്തപരിപാടികള്‍ കാണാനും ഫോട്ടോയെടുക്കാനും തുടങ്ങിയിട്ട് കുറച്ചേറെ വര്‍ഷങ്ങള്‍ ആയെങ്കിലും സൂര്യ ഫെസ്റ്റിന്റെ ഭാഗമായ “Jalsa Ghar” ആദ്യമായി കാണുന്നത് 3 വര്‍ഷങ്ങള്‍ക്ക് മുന്‍പാണ്. അന്നുവരെ കണ്ടിരുന്ന സംഗീത പരിപാടികളില്‍ നിന്നെല്ലാം തികച്ചും വ്യത്യസ്തമായ ഒരു അനുഭവവും അന്തരീക്ഷവും. ക്ലാസിക്കല്‍ നൃത്ത-സംഗീത പരിപാടികളില്‍ ബോറടിച്ചും കുശലം പറഞ്ഞും ഇരിക്കുന്ന സദസ്സ് ഒരു പതിവു കാഴ്ചയായ ഇക്കാലത്ത് (അങ്ങനെ അല്ലാത്ത സദസ്സും ഉണ്ട് ) അതില്‍ നിന്നെല്ലാം മാറ്റി നിര്‍ത്താന്‍ കഴിയുന്ന, വേദിയും സദസ്സും തമ്മില്‍ സചേതനമായ ആസ്വാദനത്തിന്റെ ചരടില്‍ ബന്ധിച്ചിരിക്കുന്ന അപൂര്‍വ്വ കാഴ്ച. അതുകൊണ്ടുതന്നെ തുടര്‍ന്നുള്ള വര്‍ഷങ്ങളിലും നൃത്തപരിപാടികള്‍ക്ക് കൊടുത്തിരുന്ന അതേ പ്രാധാന്യത്തോടെയും ഇഷ്ടത്തോടെയും മറ്റെല്ലാ തിരക്കും മാറ്റി വെച്ച് “Jalsa Ghar” ല്‍ പങ്കെടുക്കാനും ചിത്രങ്ങളെടുക്കാനും ശ്രമിക്കാറുണ്ട്. ഇതുവരെയുള്ള ഓരോ സംഗീത സന്ധ്യയും ഓരോ അനുഭവങ്ങളാണ്.  അതില്‍ നിന്നെല്ലാം വേറിട്ട ഒരു അനുഭവം, അല്ല ഒരു തരം നിര്‍വൃതി ആസ്വാദകര്‍ക്കെല്ലാം സൂഫി സംഗീതത്തിലുടെ സമ്മാനിച്ചു Anitha Shaiq. “Jalsa Ghar” ല്‍ സാധാരണ വേദിയും സദസ്സും തമ്മില്‍ നടക്കുന്ന കൊടുക്കല്‍ വാങ്ങലുകള്‍ മിക്കപ്പോഴും അദൃശ്യമോ, താളം പടിക്കലോ ഒക്കെയായിരിക്കെ ആ അതിര്‍വരമ്പുകളെയെല്ലം മറികടന്ന് Chamber Concert എന്ന സംഗീതരൂപത്തിന്റെ ഏറ്റവും നല്ല സാക്ഷാത്ക്കാരം. സംഗീതത്തോടൊപ്പം ഓര്‍മ്മകളും സൗഹൃദവും സ്‌നേഹവും ചിന്തയും ഒക്കെ പരസ്പരം പങ്കുവയ്ക്കുന്ന കാഴ്ച. ഗായികയും സദസ്സും എന്ന വേര്‍തിരിവ് ഇല്ലാതെയെല്ലാവരും ഗായകരായി മാറിയ സംഗീതാനുഭവം. Hats off Anitha ShaiqJayan Malamary , Berny PjShinu Sathyadas , Rajesh Krishna.

Leave a comment

error: © Bivin Lal Photography